„Коле-Транс Инжинеринг“ ДОО Штип располага со современа бетонска и асфалтна база и нуди услуги за транспорт и вградување на бетон. Компанијата обезбедува комплетни решенија во областа на нискоградбата, вклучувајќи производство на готов бетон (МБ-20, МБ-25, МБ-30, МБ-40) и вградување на топол асфалт.

Во рамки на својата дејност, компанијата изведува изградба и реконструкција на патишта, автопати и коловози, асфалтирање и тампонирање, како и уредување на јавни површини како паркиралишта, пешачки патеки, спортски и детски игралишта. Дополнително, „Коле-Транс Инжинеринг“ ДОО Штип успешно врши услуги за отстранување на различни видови објекти, вклучително и времени објекти и архитектонски бариери.