Штип се менува инфраструктурно, сообраќајно и визуелно со нов урбан изглед. Поставен е вториот асфалтен слој на новото сообраќајно решение кај Пoрта Пролет.

Коле Транс вклучен во уредување на населбата 8ми Ноември. Создадовме нови 50 паркинг позиции, за задоволување на потребите на жителите на ул. Енгелсова и комплетно беше уреден тротоарот на бул. ЈНА.

Завршено е асфалтирањето на булеварот „Партизанска“, поставена е електриката и сообраќајната сигнализација.

Aсфалтирањето на локалниот пат кој води до манастирот „Св. Архангел Михаил“ во Аџиско маало, село Саса, во должина од 1.630 метри. Со реализацијата на овој проект обезбедивме квалитетна и безбедна патна врска за жителите од овој дел на селото, како и за верниците.

Завршено е асфалтирањето на патниот правец Почивало - Кошево! Овој проект претставува важен чекор во подобрувањето на патна инфраструктура и создавање подобри услови за жителите на руралните средини.

Целосно реконструирана улицата „Широк дол“ во населбата "Автокоманда". Со поставување на вториот асфалтен слој, завршена е реконструкцијата на улицата „Широк дол“. Претходно комплетно беа заменети подземните инсталации (водовод и канализација), уредени тротоарските површини и пристапните патишта околу влезовите на станбените единици.

Aсфалтирање на платото и паркинг површина пред фудбалскиот терен на Бело Брдо.

Заврши и асфалтирањето на кракот од улицата „Велјко Влаховиќ“, поврзувајќи ја населба Пребег со новата обиколница. Асфалтирани се и краците што ги поврзат населба Железничка и Мерите со обиколницата, а наскоро следува изградба на нов мост на река ,,Брегалница“ и нов кружен тек кај црквата „Јован Крстител“, со што дополнително ќе се подобри сообраќајната безбедност.